Hallú. Ég hef lítið látið í mér heyra...kannski vegna þess að ég er búin að vera veik núna í alveg viku sem er ekkert sport. Hef reyndar verið ein heima líka síðan á mánudag og þar sem ég kemst ekki út úr húsinu og vinkonur mínar eru allar mjög uppteknar af eigin lífi þá hefur þetta bókað verið einmanalegasta vika sem ég hef upplifað. Mín einu samskipti síðan á sunnudag hefur verið nokkur símtöl við Hildi og síðan við lækninn minn. Ljúfa líf.

Ég er allavega ennþá veik og ein heima þannig að ef ég á eitthverjar vinkonur eftir þarna úti þá eru þær velkomnar í heimsókn...þótt það sé ekki nema bara til að sjá hvað ég er getnaðarleg með kvef í auganu. Ég er viss um að kvikmyndaeftirlit mundi banna mig innan 12 ára ég er svo scary með svona eitt rautt crazyeye.

En allavega...ég ætla að blogga meira og betur, en tilkynni hér með að ég ætla að fara að blogga á myspeisinu mínu.

www.myspace.com/miss_osp (hallærisleg slóð, I know, en maður getur ekki breytt því eftir á og þetta virkaði geðveikt kúl hugmynd at the time)

Ný könnun!

Og niðurstöður:

Hvað er málið?
Söfnuðurinn minn
0%
Friður á Jörð
14%
Sifjaspell
18%
Fjólublár
5%
MAYO
9%
Clay Aiken
5%
Sandra Ásgeirs er klárlega málið
23%
Ríðingar
27%
Chiuhiu-rottan Tinkerbell (veit ekkert hvernig á að skrifa Tjívává)
0%
Matareitrun
0%

Til hamingju Sandra....þú ert málið á eftir Ríðingum.

Alltaf jafn fyndið þegar fólk fer að kvarta í manni að það sé skortur á bloggi...sérstaklega þegar fólkið sem kvartar er sjálft með blogg en er óduglegra en maður sjálfur...hmmm?

 En, mér veitti ekki af sparki í rassinn, enda eru trilljón hlutir til að skrifa um.

Það sem kemur fyrst upp í hugann er það að Páskafríið er komið með öllum sínum þægindum og kósíheitum. Það hófst náttúrulega með Árshátíð MK sem var góð en skrautleg að vanda og mig langar að birta punkta um það kvöld:

• Mætti í Space uppúr hádegi og var þar í góðu yfirlæti...fékk fínasta hár, bara þetta venjulega samt...
• Stelpurnar voru íðilfagrar að vanda
• Við mættum uppí fordrykk og vorum mega spenntar.
• Létum taka mynd af okkur 'prom-style' þar sem ég var eins og uppstoppaður trúður.
• Borðuðum shady humarsúpu en ótrúlega gott kjöt og tasty súkkulaðiköku
• Annállinn var sýndur og ég grét maskara...tær snilld.
• Af árshátíðinni var haldið til Hildar þar sem var glatt á hjalla (Guð minn góður hvað fjölskyldan hennar hefur þurft að þola).
• Klara og Sandra dönsuðu andsetnar og það er til á VIDEO people!
• Síðan var skellt í sig og að lokum keyrði Margrét okkur uppá Broadway þar sem illur vörður tók af mér fullan stóran Carlsberg í gleri (mmm) Strax og ég steig út úr bílnum. Bitri fáviti.
• En þarna var ég mætt með nelliku í hárinu sem ég stal úr veisluhaldinu uppí MK og game í dans. Jet Black Joe var að spila niðri og þar sem þeir eru ekki mínir menn fór ég upp þar sem Curver var að spila 90s tónlist. Þar hitti ég megnið af stelpunum og við tjúttuðum.
• Harpa var með glowstick sem ég reyndi að stela af henni OFT
• Síðan á eitthverjum tímapunkti hvarf Harpa.
• Ég vissi ekki fyrr en daginn eftir að hún hafi bara ákveðið að skella sér heim til að vera útsofin fyrir vinnu...það gerði ekkert til að róa mig því ef þið þekkið Hörpu þá fer hún ekki full heim af balli vegna skynsemi. En áhyggjurnar reyndust ástæðulausar...hún er kannski bara að verða skynsamari...? Hahaha neiii.
• Sandra Á gerði skandal.
• Rósa got her groove back.
• Svanhvít sló mig með skóm aftur og aftur og steig á mig.
• Hörkuball og ég fór bara þreytt en sátt heim.

Daginn eftir Árshátíðina og fyrsta dag páskafrís var síðan úrslitakvöld Gettu Betur...MK - MR.

Einsog fór framhjá fáum þá var þetta í fyrsta skipti sem MK komst þetta langt í keppninni síðan við unnum árið 1989. Við erum að tala um 18 ár hérna.

Davíð Þór var flottur í tauinu að vanda *hóst* og þrátt fyrir að kunna ágætlega við kappann þá vil ég kenna dómaraskandali um það að MR vann svo óendanlega naumlega að það var sárt.

Það var klárt mál að okkar piltar stóðu sig betur alla keppnina og strákar eins og trúðurinn og Malfoy í MR liðinu áttu ekkert í okkar menn. En svona er heimurinn ósanngjarn og maður verður að bíta í það súra epli að hafa séð af hljóðnemanum í þetta skiptið...en síðan pælir maður; "2. sætið? Já, það er nógu helvíti gott "

Well.....síðan er það sumarbústaðaferðin.

Hún var ljúf en meira helvítis ruglið á sama tíma. Hún kemur hérna í punktum:

• Ég fór með Svanhvíti og Sigga í bíl á laugardagskvöldið en þá voru Klara og Axel þegar farin áleiðis. Færðin var sjúk og það var frekar krípí að keyra austur svona seint í þessari færð.
• Þegar við komum á staðinn var rosa kósí að koma inn í bústað.
• Við elduðum kjúkling Á la Ösp og hann var ágætur...sérstaklega sósan en henni var bjargað af Sigga Sósumaestro þrátt fyrir að allt hafi vantað í hana. Við fórum síðan í pottinn og það voru bara kósíheit og vitsmunalegar umræður...annað en seinna kvöldið :/
• Daginn eftir fórum við á Selfoss...vöggu hnakkaismans á Íslandi... að versla og fá okkur borgara á snælandi og þegar við komum heim skelltum við Big Lebowski í tækið en ég og Klara fórum að spila.
• Úú, gleymdi að við sáum Jesús sjálfan á Selfossi.
• Stelpurnar sem voru á leiðinni til okkar hringdu svo allar í sprellinu með aprílgabb um sprungið dekk og hrafnaárás. Góðar.
• Síðan komu þær, Hildur, Sandra og Rósa sprækar sem lækir og við gáfum þeim dýrindis steik, bökunarkartöflur, salat og baguette....glæsó splæsó
• Það má ekki gleyma servíettunum og kertaljósunum í boði Klöru Lindar.
• Síííðan var haldið í pottinn og Sandra joinaði okkur eftir tilkomumikil þrif.
• Í þessum potti var mikið hlegið og drukkið þangað til að það var of mikið hlegið og drukkið og skandalar og sárindi fóru að skjóta upp kollinum.
• Sem betur fer sættust flestir og gleðinni var haldið áfram með eitruðum en bragð´góðum Jarðarberga Mojito-um sem Siggi bauð uppá...
• Ég, Hildur, Sandra, Svanhvít og Rósu vorum orðnar heldur sóðalegar í pottinum...og síðan man ég bara ekki meir
• Mér er sagt að ég hafi farið í hörku rifrildi við Svanhvíti því hún ásakaði mig um að þrykkja í sig glerflösku.
• Ég sá líka myndir á myndavélinni af mér á bikini haldandi á útvarpi í annari og brauðrist í hinni....
• Síðan drapst ég í sófanum....
• Þynnka ólík nokkurri sem ég hef upplifað síðan á hestamannamótinu var í uppsiglingu og ég ældi á leiðinni í bæinn með Klöru og Axel...það að vinna um kvöldið var kvöl og pína og ég sór að drekka aldrei aftur...sjáum til með það.

Annars vildi ég þakka öllum sem stóðu að þessari bústaðarferð innilega fyrir og biðjast afsökunar á mér

Þetta var að megninu til tær snilld...og þótt viss leiðindi hafi skotið upp kollinum þá verður víst að láta það slæma fylgja hinu góða. Það er það sem hlýst af því að vera í stórum en nánum vinkonuhóp Takk fyrir helgina í heild sinni fólk....og vonandi getum við gleymt því leiðinlega en munað lengi eftir öllu skemmtilega ruglinu sem átti sér stað

Ösp kveður að sinni

Gleðilega Páska!

Vil benda á nýja færslu fyrir neðan þessa

EN annars sá ég á blog.central.is/tropi að Sandra Ásgeirs (sem er klárlega málið) hafði birt eitthverja stjörnuspá og það var kjánalega margt sem átti við persónuna Söndru Þannig að ég fór á stúfana og tjekkaði á áreyðanlegri Tvíburaspá...og sá einmitt marga punkta sem lýstu mér helvíti vel...eða hvað finnst ykkur?

• Grunneðli hans einkennist af töluverðri stríðni, gamansemi og góðlátlegri glettni, og einnig af hressileika og málgefni.
• Tvíburinn þarfnast lifandi umhverfis og vitsmunalegrar umræðu til að endurnýja orku sína.
• Tvíbura fellur því vel að vinna störf sem krefjast hugarbeitingar og fjalla um margvísleg málefni
• stríðnisglampi er áberandi, sérstaklega þegar honum finnst hann hafa skotið einum góðum á viðmælanda sinn.
• Tvíburinn er oft málgefinn (staða Merkúrs skiptir miklu í þessu sambandi) og hefur gaman af því að segja frá, er sagnaglaður.
• Honum er illa við öll bönd, sérstaklega ef þau hindra hreyfanleika hans. Því er það svo að þótt Tvíburinn sé að öllu jöfnu vingjarnlegur og glaðlegur, þá hleypir hann fólki ekki of nálægt sér. Hann vill einnig vera yfirvegaður og lætur því tilfinningar sínar ekki alltaf í ljós.
• Eins og nafnið Tvíburi gefur til kynna virðist oft sem um tvo persónuleika sé að ræða. Þetta birtist í fjölhæfni hans og þörf fyrir fjölbreytni, en einnig í óútreiknanlegu eðli eða því að hann getur sýnt tvö andlit, eftir umhverfi og aðstæðum.
  

Þetta finnst mér allavega áhugavert...og mér finnst ég kannast við fullt af þessu. En þetta er kannski aðeins of jolly kátur-hvolpur persónuleiki eitthvap til að vera líkt mér...en ég allavega sá margt sem á við mig.

Fokk ég er með massívan fiðring í maganum sem ætlar ekkert að hverfa 2 tímar eftir í dag...einn í fyrramálið...og síðan er maður kominn í langþráð páskafrí. Eða Påskefrij eins og það útleggst ábyggilega ekki á dönsku.

Maður kemur heim úr skólanum fyrir kl. 10 og slappar af þangað til ég fer í klippingu og litun á hádegi...síðan er það bara að gera sig sæta og fína og skunda með stelpunum uppí MK í matinn...ég hlakka svo til að það er vont.

Síðan er árshátíð! Þar sem allir verða mátulega hífaðir og í góðu skapi og þar verður dansað fram á rauða nótt með undirspili PAPA. Sem hafa verið uppáhalds ballhljómsveitin mín síðan á hestamannamótinu...vá í rúmlega hálft ár. Það er nú meira hvað ég er trygg.

SÍÐAN er það ekki búið...því MK er að fara að mala MR-inga í Gettu Betur á föstudaginn og kenna þeim mannasiði...eftir að við vinnum verður tekið á því í bænum, fólk á treysta á það.

Og ef eitthver hélt að það væri búið núna, þá segi ég HELL NO því á Laugardag förum við, elíta landsins (nei ekki rauðhærðir, þótt við séum vissulega partur af elítu þessa lands) í Sumarbústað að hafa það kósí með grilli og potti og bjór. Kósí kósí.

Síðan er aldrei að vita nema maður næli sér í miða á Hot Chip & Björk á annan í Páskum...it's going to be legendary. 

-----

En nóg af þessu rugli. Ég ætlaði ábyggilega upphaflega að segja eitthvað sniðugt í þessu bloggi...en það er bara dottið út.

Jú hei, mamma mín....hin eina og sanna...kallaði mig trukk. Það er aldrei góðs viti. Henni fannst einkennilegt að ég skildi hafa pínulítinn áhuga á bílum og að ég horfi á myndir eins og Lord of the Rings fyrir stríðssequensin og fann tæplega minn skammt af ofbeldi í 300 (og ég skal vera 300.000asti íslendingurinn til að segja að sú mynd er mjög töff).

En ég benti henni pent á það að ég klæddist kjólum hversdagslega og elskaði Pride and Prejudice.

Þá kallaði hún mig blæju-jeppa.

Hrein og tær snilld skal ég ykkur segja! MK malaði MH (með tveggja stiga mun reyndar, en það er mal í lagi) í kvöld í Gettu Betur og VIÐ ERUM Á LEIÐ Í ÚRSLIT GEGN HÁTT GIRTUM MR-INGUM!

Ég vil reyndar byrja á því að óska henni Eyrúnu minni til hamingju með 1 árs afmælið sem hún átti í gær Það fer alveg að koma að því að hún hætti að rífa af mér hárið og klóra mig til blóðs um leið og hún knúsar mig. Talandi um Tough Love.

En allavega, aftur að stórsigri kvöldsins og ég er ekki frá því aldarinnar. Við mættum hressar til leiks uppí skóla, Ég, Hildur, Klara og Svanhvít. Við fengum NMK boli inni sem voru allir búnir nema stærð Large, sem voru skammarlega passlegir á mig en eins og tjald á elsku Svanhvíti (fyndin sjón). Ég var frekar fúl að það væru bolir útafþví að ég var búin að hafa svo mikið fyrir því að finna fabulous bol til að vera í fyrir framan sauðféð í MH...en síðan var ég bara sátt.

Allavega, rútan fylltist fljótt þannig að við ákváðum að keyra sjálfar í staðinn fyrir að bíða eftir nýrri rútu...og gerðum okkur að fífli æpandi shotgun og hlaupandi á bílhurðir....besta hugmynd í heimi ef einhver af okkur hefði actually vitað hvar Loftkastalinn var.

Við eltum rútuna alla leið að Miklubraut en þar tók hún frammúr á ljósunum og við vorum skildar eftir á rauðu með sárt ennið og heldur betur villtar. Við skrúfuðum niður á næstu ljósum og spurðum kammó leigubílstjóra hvernig við kæmumst á áfangastað og allt reddaðist fljótt.

Klapplið MH-inga að þessu sinni sátu fyrir á mynd í tilefni af ósigrinum.

Inni sátum við fyrir framan hjörð af MH kindum sem höfðu mætt með sigurinn í hjarta og helvísk raddbönd. Gellan æpti svo falskt að það var sárt í eyrun. Hún rakkaði MKliðið niður og vældi yfir öllu (svona svolítið eins og ég er að gera núna...væla þ.e.a.s.) og Hildur var ready að buffa hana. Þegar liðið okkar, sem voru hörkuduglegir piltar að þessu sinni síðan tóku MH í nefið í bráðabana heyrðist eitthvað minna í kindinni fyrir aftan og hún reyndist tilbúin til slátrunar.

Við dönsuðum og æptum og ég var svo glöð að mér fannst ég hafa persónulega verið að keppa og sigra

VIÐ RÚSTUM ÞESSARI KEPPNI Í ÁR ég er að segja ykkur það.

Allavega, þá eftir að hafa séð MKinga hoppandi um göturnar og spilandi We are the Champions í botni fórum við stelpurnar bara að leigja spólu og búa til taco-sósu þrátt fyrir mikinn dansidjúsifíling í minni. Þær voru bara með afsakanir og ekkert annað.

En það verður glatt á hjalla á morgun Hell yes.

Svanhvít átti afmæli í gær... og dagurinn byrjaði, eins og áður sagði á því að plasta bílinn hennar og hrynja á húdd. Síðan fór ég heim og er ekki frá því að nett mígreni hafi herjað á mig því mér fannst hausinn á mér ætla í tvennt og ég gat ekki haldið mér vakandi. Gaman að því. Mætti í tíma eftir hádegi og svona en var að drepast í hausnum allan tímann og gat varka labbað heim því birtan var að gera mig geðveika. Svaf dálítið meira þegar ég kom heim og alveg fram að kvöldmat.

Kósíheit.

En Svanhvít, eins sæt og ómóstæðileg hún er, tókst að koma mér í fílinginn og við fórum stelpurnar á bjórkvöld...ehmm...nei 'kosningavöku'...

Þar var fyrst sjoppulegur fílingur en allt bættist strax og við komum með okkar yndisfögru fés inná staðinn. Sá staður var Sportarinn - Hafnafirði, eins sleazy og það hljómar... og var.

Svanhvít toppaði klárlega gott kvöld með því að reyna að veiða tyggjó uppúr fullu bjórglasi með því að kafa oní botn. Það var skrautlegt, það fór bjór á alla ermina og útum allt borð...auk þess sem bjórinn hennar var skrítinn og ljós ´því það náði svo mikið tyggjó að leysast upp áður en henni tókst að veiða það.

 Cheers og takk fyrir gott kvöld stelpur

Ég vaknaði kl. 6:30 í morgun til að fara að plasta bílinn hennar Svanhvítar... við settum plast og tannkrem með afmæliskveðju og glorious hálsmeni á bílinn.... og ég rann í hálkunni og hrundi á húddið á bílnum hennar Hildar.

En allavega, til hamingju með 19 ára afmælið Svanhvít mín, hafðu það gott og vonandi varstu ekki of reið við okkur í morgun

Ég sit hérna í frönskutíma og þýði texta, spennó.

Helgin var sjúklega róleg og ég gerði ekki neitt nema að safna spiki sem er ekkert nema gott mál...kósí að taka svona 100% afslöppunarhelgar af og til.

Ég er búin í skólanum eftir þennan frönskutíma, en sælan er skammvinn því ég er að fara í vinnu kl. 5 og verð fram að miðnætti

Éger orðin í meira lagi spennt fyrir þessari bústaðaferð...sem farin verður í mánaðarlok. Ég var að spá í að allir setji bara saman í púkk og maður kaupi síðan slatta af dóti og búi líka til góða drykki og svona, ekki bara 2 kassa af bjór eða whatever. Meiri fjölbreytileika Hvernig líst fólki á það...?

 Annars var ég að fá svo óendanlega fallegan kjól, courtesy of my mother...reyndar þarf ég að borga henni eftir mánaðarmót, en ég spreðaði 20.000 kalli í Tyrkland í byrjun mánaðar og er því skítblönk...ég sé fram á það að betla eða selja mig til að geta litað á mér hárið. Sem er algjörlega þess virði. Beauty is pain...eða vændi, þegar út í þá sálma er farið.

En aftur að kjólnum mínum nýja....

Þá taldi ég og þetta er 24. kjóllinn minn sem ég nota....þegar ég hugsa út í kostnaðinn þá líður mér ekki jafn vel með þetta...

Gaman að því að Svanhvít hringdi í mig í tíma núna og spurði mig örvæntingarfull hvort ég ætti gúmmístígvél. Mér skilst að hún sé að fara í eitthverja fjöruferð eða e-ð hehe

En endilega kommentið eitthvað, það er fátt leiðinlegra en að skrifa blogg sem enginn kommentar á, sama þótt þið hafið ekkert merkilegt að segja, það væri ekkert nýtt

Well well...núna er enn önnur skóla/vinnu vikan búin...ég var að vinna í kvöld en er núna í fríi bæði laugardag og sunnudag...

...sem er eitthvað sem hefur ekki gerst síðan að diskóið lifði.

Þetta er kósí fílingur að sitja heima í náttfötum með kókflösku mér við hlið...grátandi og hlæjandi á víxl yfir West Wing

Það er lítið merkilegt að frétta af mér...nema að ég er komin með glorious kjól fyrir árshátíðina sem ég hlakka ekkert smá til að klæðast. Þannig er það nú að við stelpurnar ætlum ábyggilega í myndatöku fyrr um daginn. Hugmyndin kemur frá Guðrúnu Selmu og hick vinkonum hennar sem fóru í svona myndatöku.

Það er nefnilega þannig að allar ljótu vinkonur mínar ætla að taka þennan skóla á 3 og hálfu ári og skilja mig síðan eftir síðustu önnina. Meira hvað þessum læðum liggur mikið á. En allavega, þá verður þetta síðasta árshátíðin okkar saman...ef ekki síðasta skólaballið, þannig að við viljum nota tækifærið, vera bjútíful og láta taka myndir áður en hópurinn tvístrast í nám um útlönd ofl.

Kósí? Ég held það nú.

Ég hlakka til að fara í bústað, ójá. Þar verður glatt á hjalla.

En ég er farin að horfa aftur á West Wing. Óhugnalegur þáttur í gangi...lokaþáttur 1. season hann er chilling sko

-Kveðja, Ösp nörri

Well, Hildur var að hvetja mig til þess að blogga um helgina, og ég geri auðvitað ekkert nema að hlýða henni blessaðri.

Föstudagurinn var ekkert sérstakur, en eftir dauðar vikur rifum við okkur uppúr svaðinu á laugardaginn!

Ég, Hildur og Sandra keyrðum nefnilega út á Akranes. Við vorum með eitthvern leiðinlegan mix disk á repeat á leiðinni, en að öðru leiti var þetta gott road trip. Við mættum til Ölla og Guðrúnar kl. ca. hálf 8 og byrjuðum að gera okkur til. Ég og Hildur vorum svo hógværar að við þorðum ekki að biðja um að fá að nota ísskápinn...þannig að við kældum 7% bjórinn (já ég sagði 7%...bróðir hennar Hildar var á eitthverjum villigötum þarna í ríkinu) í vaskinum inná baði. Eftir að hafa ákveðið okkur í hverju við ætluðum og eftir að hafa blandað epla-vodka rugl í pepsi max flöskur (mér leið eins og ég væri 15 ára), var ferðinni haldið á Ungfrú Vesturland.

Þar var Helena Rúnarsdóttir að keppa og var dead stunning að vanda. Fyrst fengum við reyndar engin sæti og vanhæfur náungi að senda okkur fram og til baka yfir salinn. Eitthvað random fólk var farið að hjálpa okkur og á tímabili var verið að senda okkur til að reka dómnefndina úr sætunum sínum.

En eins og ég segi þá var Helena glæsileg og við æptum okkur hásar milli þess sem við stálum sopum úr grunsamlegu pepsi max flöskunum okkar. Guðrún Selma varð fljótt hress og kát og óð um allt andyri í hléinu dansandi og djúsandi...skemmtandi gestum og gangandi.

Og viti menn.... HELENA VARÐ Í ÖÐRU SÆTI! Sem þýðir það að VIÐ erum að fara í UNGFRÚ ÍSLAND! Jeeeij.

Til hamingju aftur Helena mín

Eftir keppnina var haldið á dansiball. Þar var DJ Óli Palli að sjá um tónlist, og hann kunni sko að velja hana. Á þessum tímapunkti var liðið orðið dálítið skrautlegt...ég tók í vörina í fyrsta skipti og var kynþokkafull með lummuna lekandi niður í tennur. Sandra sá að ungur herramaður var ófríður og Hildur nældi sér í karl að vanda. Það var auðvitað besta hugmynd í heimi að fara með honum og vini hans sem var gervifrændi minn í eitthvað heimapartý eftir ballið.

Þegar þangað kom var bara þrítugur gaur í baðslopp á staðnum, en það stoppaði okkur ekki. Við tylltum okkur, Hildur sat í baði og framkvæmdi svolítið sem ég vil kalla 'Double Trouble' (nei þetta er ekki kynlífsskandall).

Karlinn sem Hildur fangaði var neyddur af Hildi til að koma með að gista í stofunni hjá Ölla, en síðan neyddur af mér og Söndru til þess að hypja sig heim. Hann sló mig. Kelling.

Hildur sofnaði með hausinn á öxlinni á mér, kúrandi alveg í hálsakoti. Það var voða sætt...en um leið ekkert alltof þægilegt

Sandra var svo hress að hún vakti okkur síðan kát kl. 10.... við héldum nú ekki, og fórum bara aftur að sofa, og Sandra líka. Við stoppuðum nokkur létt stopp áður en við yfirgáfum plássið og héldum síðan heim á leið. Stoppað var á leiðinni í Kentucky í Mosó þar sem fólk fékk sér mat og skilaði mat.

Þetta var kósí og skemmtileg ferð og ég vil þakka eftirfarandi:

1. Stelpunum, sem gerðu þetta skemmtilegt og eftirminnilegt
2. Ölla, systur hans og Co. sem voru gestrisnari en allt og bjuggu meira að segja um okkur og allt Takk fyrir það
3. Helvítinu sem sló mig. Þú minntir mig á það hvers vegna mér líkar ekki við hyski.

Takk fyrir og Ösp ÚT.

Þetta er skrítinn heimur. Allt fer í öfga eitthversstaðar og sumt er útbreiddara en annað.

Annars vegar eru kynferðisafbrot einn sá mesti viðbjóður sem fyrirfinnst. Það eina sem toppar það í ómennskunni eru kynferðisafbrot gegn þeim sem ekki geta varið sig, og vita ekki algjörlega hvað er í gangi: t.d. Vangefnir og börn.

Hins vegar er það að kynferðisafbrot séu í öllum hornum. Feður mega ekki baða sig með ungum börnum sínum og jólasveinninn er sóðakarl ef hann situr undir börnum í mollinu.

Allt fer út í vitleysu og gott dæmi um það er Smáralindarbæklingurinn og dama sem bloggar á kolbeins.blog.is. Ég veit ekki hvort fólk kannist við þetta en það var smágrein um þetta mál í fréttablaðinu í dag.  Þannig er það að Smáralindarbæklingur um fermingar og fermingabörn kom út á dögunum. Utan á bæklingnum er mynd af stelpu á fermingaraldri eða rúmlega það í fötum úr verslunum Smáralindar. Stelpan er vel klædd, ekkert "óæskilegt hold" sést og hún er í dúkkulegri stellingu umkringd böngsum og tuskudýrum.

Umrædd bloggdama sagði að hér væri um klám að ræða og það væri viðbjóður að blanda börnum inní klámheiminn með þessum hætti. Að mynda unga stúlku með leikföng umhverfis sig í "Háum hælum, stellingu þekktri úr klámi og með opinn munn" væri argasti sjúkleiki.

Stelpan beygir sig jú fram á við og er í háum hælum. Allar fermingarstelpur eru á hælum. Svo einfalt er það. Og hefði það ekki verið dónalegt líka hefði hún setið á stól? Það eru jú ábyggilega ófá skiptin í klámmyndum sem fólk ríður í stól. Hún er með opinn munninn í hálf brosi sem passar vel við stífa dúkkulega stellinguna.

Það er sjúkt að sjá eitthvað klámfengið við þessa myndasyrpu. Hvað þá kvarta yfir því að þarna sé barnaklám á ferðinni.

 Fólk verður að læra að slappa af líka.

Mig langaði bara að koma þessum pirringi frá mér

Sælt veri fólkið. Ég heilsa úr félagsfræði...

...Er búin að sitja hérna í ca. hálftíma og fæ þá að vita að það var frjáls mæting...ekki skrítið að það séu svona fáir hérna

En annars er ekkert merkilegt af mér að frétta. Ég er búin að vera að vinna á hverjum degi síðan á fimmtudagskvöldið og er búin á líkama og sál bara.

Framundan er

• 1 árs afmælið hennar Eyrúnar litlu skottu minnar
• Ungfrú Vesturland...og sálarball eftir á til að fagna sigri Helenu... count on it.
• Sumarbústaðaferð með öllu stóðinu. Glatt á hjalla.
• Ekkert fleira ákveðið því Mars er langur og leiðinlegur mánuður

Annars var ég að ákveða ekki fyrir löngu að 50% lokaverkefnið mitt í íslensku mundi vera að skrifa barnabók... virkar endalaust gaman og létt...en ég er búin að sitja nokkur kvöld og stressa mig...reyni að finna sniðugan söguþráð og ekkert gengur. Fer alltaf út í eitthvað of dimmt og flókið fyrir ca. 8 ára börn...hmmm

En þetta verður allavega ævintýri og síðan myndskreyti ég líka Væri alveg til í fleiri svona verkefni í fögum almennt...ekkert nema sniðugt.

En ég kveð í sorg yfir því að vera í skólanum þegar ég þarf þess ekki :'(

-Ösp